Mae'r wefan Cymraeg wrthi'n cael ei ddatblygu, ac mi fydd yn barod erbyn diwedd mis Rhagfyr 2008.

Mae Byd Natur Pili Palas yn adnabyddus fel fferm loynnod mwyaf Cymru – ond os dewch chi draw i’n gweld, neu ddilyn eich trwyn o gwmpas y safle hwn, mi welwch ei bod hi’n jyngl go’ iawn i mewn yn fam’ma!

Cliciwch yma er mwyn cael rhestr o’n horiau agor a’n prisiau ar gyfer 2006.

Felly dewch yn eich blaen – dewch i mewn i’r amgylchedd trofannol sy’n llawn o blanhigion lliwgar a rhaeadrau dwr hefo pili palas BYW yn hedfan o’ch cwmpas ym mhobman.

Wedi i chi gyfarfod y gloynnod a’r adar, symudwch ymlaen i dy’r ymlusgiaid er mwyn treulio amser hefo nadroedd o bob math – rhai bach a rhai mawr iawn! Drws nesa’ mae gwlad y gena goeg – ble byddwch yn dod wyneb i wyneb a iguana, dreigiau, skinks a geckos o bob rhan o’r byd. Ar ol hynny ‘da ni’n eich herio i ymweld a chuddfan drofannol y tarantwlau, sgorpionau, brogaod a malwod mawr Affrica! Peidiwch ag anghofio cornel yr anifeiliad anwes ble mae’r cwningod, moch cwta, bochdew a’r llygod mawr yn byw.

Mi fedr y rhai bychan neidio a rowlio yn ein lle chwarae medal – tra medr y plant hyn daclo ein parc chwarae antur.

Gwnewch yn siwr nad ydych yn gadael Pili Palas cyn I chi ddod o hyd I’r holl greaduriaid sydd wedi eu cuddio ar y llwybr natur.

Mae gan ein siop liwgar degannau, anrhegion a llyfrau ar gyfer pob oed a mae’r caffi yn gweini prydau cartref blasus. Os byddwch chi’n lwcus mi fedrwch eistedd wrth fwrdd yn yr ystafell haul er mwyn gwylio’r “chipmunks” yn chwarae wrth i chi fwyta – ac os byddwch chi yma yn y gwanwyn mi fedrwch chi eistedd yn gwylio’r titw-tomos yn nythu, yn fyw, ar ein camera arbennig!

Er mwyn darganfod mwy am bopeth sydd gan Pili Palas i’w gynnig yna crwydrwch o amgylch ein safle. Er mwyn cysylltu hefo ni e-bostiwch: info@pilipalas.co.uk